كشف أحمد إبراهيم، المتخصص في إدارة الحملات الإعلانية، عن أبرز الأخطاء اللي بيقع فيها عدد كبير من أصحاب المشاريع عند تنفيذ حملات ممولة على منصات التواصل الاجتماعي، خاصة فيسبوك، وأكد إن الأخطاء دي بتسبب خسائر كبيرة في الميزانية من غير ما تحقق أي نتائج حقيقية.
وقال إبراهيم إن المشكلة مش في المنصة نفسها، لكن في طريقة استخدامها، ووضح إن في 3 أخطاء أساسية بتتكرر بشكل مستمر:
استهداف الجمهور الغلط:
أحمد أشار إلى إن في كتير من الإعلانات بتروح لجمهور مش مهتم أصلًا بالمنتج أو الخدمة، لمجرد إن صاحب المشروع عايز يوصل لأكبر عدد ممكن من الناس. ووضح إن "الوصول مش دايمًا معناه تأثير".
استخدام محتوى ضعيف:
من أكبر الأخطاء هي إن الإعلان يكون "مُعد بسرعة"، من غير اهتمام بالرسالة أو الصورة أو الفيديو. وأكد إن أول 3 ثواني في الإعلان بتحدد إذا كان الشخص هيكمل ولا هيعدي الإعلان من غير ما يبص عليه.
عدم اختبار الإعلانات (A/B Testing):
وأوضح إبراهيم إن الاعتماد على إعلان واحد فقط بيقلل فرص النجاح. وبيفضل دايمًا اختبار أكثر من نسخة من نفس الإعلان، ومع الوقت بيبان مين الأفضل أداءً.
وفي نهاية حديثه، نصح أصحاب المشاريع إنهم يتعاملوا مع الإعلانات كمجال علمي مش عشوائي، لأن القرار التسويقي الغلط ممكن يوقف مشروع بالكامل، بينما القرار الصح ممكن يضاعف الأرباح في وقت قصير.